<< Публикации

Мәктәп – минеке! Республиканың «Ел укытучысы» ачыкланды



// МӘГАРИФ

 Дөньяда социологлар исәпләп чыгарган ике меңнән артык белгечлек арасында бөтенесенә ана булырдай бер һөнәр бар: ул – укытучы хезмәте. Тормышка юллама бирүче дә, җәмгыятькә лаеклы алмаш үстерүче дә шул бит. Кичә башкалабызның "Пирамида" күңел ачу үзәгендә "Ел укытучысы" республика бәй­гесенә нәтиҗә ясаганда, алар адресына яңгыраган сүзләрне һич тә мәдхия дип кенә атап булмый иде, бу – чынлыкта шулай.

– Киләчәк язмышы сезнең кулларда,– диде Дәүләт Советының Мәдәният, фән, мәгариф һәм милли мәсьәләләр комитеты рәисе Разил Вәлиев.

Укытучылар үзләре дә моны яхшы аңлый. Конкурста катнашкан Нурлат районы мөгаллимәсе Надежда Бажанова: "Тыныч булыгыз, балалар– ышанычлы кулларда. Һәр мөгаллим үз укучысын белемле һәм тәрбияле итү өчен тырыша",– диде моңа җавап итеп.

Республикада унбишенче ел рәттән уздырылучы бәйге быел кабат "иң-иң"нәрне җыйды. Татарстан район һәм шәһәрләрендә көч сынашканнан соң, 44 төбәкнең җиңүчеләре 10-13 мартта Казандагы бәйгедә катнашты. Җиңүче исеменә 53 укытучы дәгъва кылды. Аларга "Бүгенге заман укытучысы", "Халык традицияләрен саклаучы", "Иң яхшы мәгълүмат технологияләрен белүче", "Илһам һәм артистизм" һ.б номинацияләрдә көч сынашырга туры килде. Өч көн дәвамында алар мастер-класслар үткәрде, тәҗрибәләре белән уртаклашты. Жюри әгъзалары аларның һөнәри осталыкларын энә күзеннән үткәрде дисәң дә була. Ләкин республика мә­гариф һәм фән министры вазыйфаларын башкаручы Данил Мостафин сүзләренә караганда, быелгы конкурс Россия дәрәҗәсендә берникадәр җиңеләйтелгән икән. Бары тик укытучының һөнәри осталыгын билгели торган биремнәр генә калдырылган.

Укытучыларның һәркайсының үз девизы бар. Кемдер үз хезмәтен: "Бишектән гүргә кадәр белем ал!" – дигән хәдискә нигезләндерә. Кемдер акылы, күңеле боерганча: "Биргән дәресеңне генә түгел, укучыларыңны да ярат!", "Баланы фикерләргә өйрәт!" – дигән максат белән үз эшен башкара икән. Әлеге девизлардан чыгып кына да укытучының күңел дөньясында нәрсә ятканын, аның омтылышын билгеләргә була.

Бәйрәм чарасы күңелне мәктәп елларына кайтарырдай итеп, укытучының иң мәртәбәле һөнәр икәнлегенә инандырырдай итеп оештырылган иде. Мондый тантанада мәктәптән хезмәт хакы аз дип киткәннәрне дә аңлап булмый кебек. Укытучы булып яралып та, мөгаллимлек эшен ничек ташларга була дигән сорау да тумый түгел. Әмма шунысы да сөендерә: укытучылар сафы бүген үз эшенә бирелгән чын фанатлардан тора. Андагы авырлыкка түзә алмаганнар мәктәп ишеген шакымый да. Шулай булгач, мәктәп белемен күтәрү кебек бурычлар да үтәлмичә калмас, шәт.

Мәктәп тормышына кагылышлы "Озын тәнәфес", "Электроника могҗизалары" кебек фильмнардан өзекләр, җырлар-шигырьләр белән үрелеп барды кичә. Җиңүче исемен тиз генә яңгыратырга ашыкмадылар. ТР Президентының эчке сәясәт мәсьәләләре буенча идарә җитәкчесе Александр Терентьев, республика башлыгының социаль мәсьәләләр буенча киңәшчесе Татьяна Ларионова һ.б. кунаклардан тәбрикләүләрне ишеткәннән соң гына, ВАЗ-2114 машинасы ачкычының кемгә тапшырылачагы билгеле булды. Бу башкалабызның Казан дәүләт университеты каршындагы Лобачевский исемендәге лицейда укытучы Гүзәл Хөсәенова иде.

– Мәктәп ул – минеке! Мин бу юлны сайламыйча булдыра алмадым, чөнки әби-бабайларның, әнинең тәҗрибәсе миңа да салынганын тойдым,– ди 16 ел хезмәт стажы булган Гүзәл Динаровна.

Рус теленә һәм әдәбиятына мәхәббәт тәрбияләүче Гүзәлнең педагогикадагы кыйбласы нинди икән соң? "Бөтенесен дә акыл белән эшлә һәм нәтиҗәсен күзалла!" "Әгәр мин үземә нәрсә кирәк икәнлеген белсәм, бу максатны тормышка ашырам һәм укучыларымны да шуңа өйрәтәм. Укытучылык эшендә иң мөһиме: үз укучыңны нинди итеп күрергә теләвеңне белергә һәм моны эшләргә кирәк",– дип тәҗрибәсен уртаклашты абсолют җиңүче.

Гүзәлнең машина йөртү таныклыгы бар икән инде, хәзер машиналы да булды үзе. Ләкин октябрь аенда мөгаллимәне Мәскәүдә зур сынау көтә әле, ул анда Татарстан данын яклаячак. "Бераз куркыта, ләкин мин җиңәргә тырышачакмын",– дип өметләндерә Гүзәл.


СӘРИЯ САДРИСЛАМОВА
ШАМИЛ АБДЮШЕВ фотосы

Ватаным Татарстан, 14.03.09
  • Публикации


  • 14.10.09 - Итоги конкурса Panaboard мастеров
  • 02.10.09 - Управление образования г.Казани отвечает на вопросы родителей
  • 02.10.09 - Казанның Мәгариф идарәсе ата-аналар сорауларына җавап бирә
  • 19.05.09 - Республиканский семинар для директоров ИМЦ районов Татарстана
  • 16.05.09 - В Казани прошла генеральная репетиция ЕГЭ
  • 14.04.09 - Школьные вариации на тему инновации
  • 14.03.09 - Мәктәп – минеке! Республиканың «Ел укытучысы» ачыкланды
  • 14.02.09 - Марат Лотфуллин: «Милләт өчен яну»
  • 11.01.09 - Мударис Каюмов: «Долой «зубрежку», пора мыслить самостоятельно»


  • 27.11.08 - Роза Шаяхметова: «Цифровая школа - будущее образования»
  • 07.11.08 - Роза Шаяхметова: «Повышение качества изучения иностранного языка начинается с педагогов»
  • 31.10.08 - В Казани обсудили проблемы языковой подготовки к Универсиаде
  • 04.09.08 - Илсур Һадиуллин: «“Казановедение” һәм кайбер федераль дәреслекләр инглиз теленә тәрҗемә ителә»
  • 25.08.08 - Илсур Һадиуллин: «Казан мәгариф системасына 4 миллиард сумнан артык акча бүлеп бирә»
  • 13.05.08 - Ильсур Хадиуллин рассказал о летнем отдыхе учащихся
  • 13.05.08 - Илсур Һадиуллин: «Җәйге ялда мәктәп укучыларын лагерьлар көтә»
  • 18.04.08 - Управление качеством иноязычного образования в современной школе
  • 20.03.08 - Многокритериальная оценка в рамках ПНП «Образование»
  • 28.02.08 - Казанның мәктәп директорлары чит илгә тәҗрибә тупларга барды
  • 28.02.08 - Директора Казанских школ обменялись опытом с европейскими коллегами


  • 15.11.07 - Илсур Һадиуллин: «Белем бирүнең сыйфатын күтәрү өчен кадрлар мәсьәләсен хәл итәргә кирәк»
  • 08.10.07 - Илсур Һадиуллин: «Казандагы татар-төрек лицейларына куркыныч янамый»
  • 23.08.07 - «Мәгариф өлкәсен камилләштерү йөзеннән төрле яңа технологияләрне эшкә җигү буенча интенсив төстә эш алып барыла»
  • 09.08.07 - Новые аспекты внедрения информационных технологий в учебно-воспитательный процесс
  • 01.08.07 - Илсур Һадиуллин - кризис чоры менеджеры
  • 14.06.07 - Ильсур Хадиуллин: «К формату ЕГЭ необходимо привыкнуть»


  • Архив

  • назад | наверх


    © 2000-2010 Казанское Образование | Контакт | Статистика | Карта сайта



    Рейтинг@Mail.ru Kitap.net.ru Tatar.org.ru