<< Публикации

Милләт өчен яну



ЮБИЛЕЙ ИЛӘ

 Милләтебезгә хезмәт куючы шәхесләрне барлаганда минем күз алдыма эше һәм яшәеше белән милләт өчен янган Марат Вазыйх улы Лотфуллин килеп баса. Мин аның белән гимназиядә укытучы булып эшләгән елларымда таныштым. 90 нчы еллар башында милли мәктәпләр күтәрелгән заманда Марат Лотфуллин исемен кем генә белмәде икән. (Хәер, аның исеме бүгенгәчә үз югарылыгыңда.) Марат Лотфуллин Казан шәһәренең халык депутатлары арасыннан беренче булып шәһәребездә милли мәгарифне оештыру эшен башлап җибәрә. Аның тарафыннан милли мәгарифне үстерү программасына нигез салына, милли мәгариф системасы барлыкка килә. Ул елларда Казанда бердәнбер татар мәктәбе булса, тора-бара аларның саны 47гә җитә. Марат Лотфуллин инициативасы белән республикабызның Мәгариф хезмәткәрләренең белемен күтәрү институтында татар теле һәм әдәбияты укытучыларын әзерләү буенча махсус факультет булдырыла. Ягъни милли мәктәпләрдә татар телен укыту өчен кадрлар булдыру мәсьәләсе чишелә. Шулай ук ул Казан шәһәрендә яшәүче халыкларның телләрен саклау, өйрәнү һәм үстерү программасын булдыруга да искиткеч зур өлеш кертә. Бу программа ярдәме белән татар милли мәктәпләренең, балалар бакчаларының матди-техник базасы ныгытыла, китапханәләре татар телендәге әдәбият белән, хәзерге заман техникасы, ягъни компьютер класслары, техник укыту һәм тәрбия бирү чаралары белән тулыландырыла; милли йолаларны кире кайтару өчен үткәрелгән бәйрәм чараларына даими финанс ярдәме оештырыла. «Иң яхшы татар һәм рус теле укытучысы», «Татар кызы», «Татар егете», татар телендә белем бирә торган мәктәп укучыларының «Казан-йорт», «Казан йолдызлары» фестивальләре дә аның тырышлыгы нәтиҗәсе.
Физика-математика фәннәре кандидаты Марат Вазыйх улы Лотфуллин, мәгариф өлкәсендә 35 елга якын хезмәт куеп, күркәм эшләрен дәвам итүне татар халкына хас әтиләрчә җаваплылык белән үзенең алмашчысына тапшырды.
Фән-мәгариф эшенә бирелгәнлек, туган халкына мәхәббәт, милли җанлылык, фидакарьлек – бу сыйфатлар берсе дә юк җирдән генә барлыкка килмәгәндер шул. Әлеге сыйфатлар аңа туган ягы – Чүпрәле районының Шәйморза авылыннан, шушында гомерләрен кичергән, гомер юлларын тулаем балаларга белем һәм тәрбия бирүгә багышлаган әти-әнисе Вазыйх ага белән Зәйнәп ападан күчкәндер. Дөрес тәрбия буыннан буынга күчә бит ул. Марат абый үзенең тормыш иптәше Нурия ханым белән бергәләп бер кыз һәм ике ул тәрбияләп үстерделәр. Балалары әти-әниләре кебек үк тырыш, тәрбияле, фән өлкәсендә дә үз юлларын табарга омтылалар. Кызлары Гөлнур, ике оныкчык алып кайтып, әби-бабай рәхәтен бүләк итте аларга.
Узган гасырның 90 нчы еллар сәясәте телебезне, милли традицияләребезне, гореф-гадәтләребезне кабат мәктәпләребезгә, бакчаларыбызга кире кайтарды. Тик бүгенге көн сәясәте кабат кискен борылыш ясатмакчы була. Марат Лотфуллиннарның эшен дәвам иттерүчеләр бүген дә бик кирәк!

Гөлназ ИСМӘГЫЙЛЕВА
Шәһри КАЗАН ШИМБӘ, 14 февраль, 2009 ел, № 34 (4526)
  • Публикации


  • 14.10.09 - Итоги конкурса Panaboard мастеров
  • 02.10.09 - Управление образования г.Казани отвечает на вопросы родителей
  • 02.10.09 - Казанның Мәгариф идарәсе ата-аналар сорауларына җавап бирә
  • 19.05.09 - Республиканский семинар для директоров ИМЦ районов Татарстана
  • 16.05.09 - В Казани прошла генеральная репетиция ЕГЭ
  • 14.04.09 - Школьные вариации на тему инновации
  • 14.03.09 - Мәктәп – минеке! Республиканың «Ел укытучысы» ачыкланды
  • 14.02.09 - Марат Лотфуллин: «Милләт өчен яну»
  • 11.01.09 - Мударис Каюмов: «Долой «зубрежку», пора мыслить самостоятельно»


  • 27.11.08 - Роза Шаяхметова: «Цифровая школа - будущее образования»
  • 07.11.08 - Роза Шаяхметова: «Повышение качества изучения иностранного языка начинается с педагогов»
  • 31.10.08 - В Казани обсудили проблемы языковой подготовки к Универсиаде
  • 04.09.08 - Илсур Һадиуллин: «“Казановедение” һәм кайбер федераль дәреслекләр инглиз теленә тәрҗемә ителә»
  • 25.08.08 - Илсур Һадиуллин: «Казан мәгариф системасына 4 миллиард сумнан артык акча бүлеп бирә»
  • 13.05.08 - Ильсур Хадиуллин рассказал о летнем отдыхе учащихся
  • 13.05.08 - Илсур Һадиуллин: «Җәйге ялда мәктәп укучыларын лагерьлар көтә»
  • 18.04.08 - Управление качеством иноязычного образования в современной школе
  • 20.03.08 - Многокритериальная оценка в рамках ПНП «Образование»
  • 28.02.08 - Казанның мәктәп директорлары чит илгә тәҗрибә тупларга барды
  • 28.02.08 - Директора Казанских школ обменялись опытом с европейскими коллегами


  • 15.11.07 - Илсур Һадиуллин: «Белем бирүнең сыйфатын күтәрү өчен кадрлар мәсьәләсен хәл итәргә кирәк»
  • 08.10.07 - Илсур Һадиуллин: «Казандагы татар-төрек лицейларына куркыныч янамый»
  • 23.08.07 - «Мәгариф өлкәсен камилләштерү йөзеннән төрле яңа технологияләрне эшкә җигү буенча интенсив төстә эш алып барыла»
  • 09.08.07 - Новые аспекты внедрения информационных технологий в учебно-воспитательный процесс
  • 01.08.07 - Илсур Һадиуллин - кризис чоры менеджеры
  • 14.06.07 - Ильсур Хадиуллин: «К формату ЕГЭ необходимо привыкнуть»


  • Архив

  • назад | наверх


    © 2000-2010 Казанское Образование | Контакт | Статистика | Карта сайта



    Рейтинг@Mail.ru Kitap.net.ru Tatar.org.ru